ეს გახლავთ ფოტოები, სადაც ასახულია ჰამბურგში (გერმანიაში) სულ ახლახანს გახსნილი რესტორანი, რომელიც გათვლილია ბიოლოგიურად სუფთა პროდუქტებით მომზადებულ საკვებზე და ძირითადად "სწრაფ კვებაზე” სპეციალიზირდება. ინტერიერი, რომელიც ფრიად ორიგინალური და შთამბეჭდავია – eins:eins Architects–ის შემოქმედებაა. რესტორანი 3 სხვადასხვა სივრცედაა დაყოფილი: ერთი, რომელიც ბარის სტილის გრძივ მაგიდასთან იწვევს სტუმართ, სადაც მაღალი სკამებია განთავსებული; მეორე, რომელიც რესტორნის ძირითად სივრცედ ითვლება, ხანგრძლივი დროით შემოსულ სტუმრებს გაუმასპინძლდება; და მესამე, მწვანე შეფერილობის, ერთგვარი შეზლონგებიანი სივრცე, რომელიც მწვანე კუნძულის ასოცირებას ქმნის და გათვლილია იმ მშობლების გასამასპინძლებლად, რომელთაც ახალფეხადგმული ბავშვები ჰყავთ.

ავსტრალიელმა არქიტექტორმა – Max Pritchard–მა დააპროექტა ეს ულამაზესი ნაგებობა, რომელიც ავსტრალიის სამხრეთით, ოკეანის სანაპიროზე მდებარეობს. სახლს ყველა მხრიდან აკრავს ხის უზარმაზარი ფანჯრები, რაც შესაძლებლობას იძლევა ულამაზესი ხედებით ტკბობისა. აქ ასევე უხვადაა გამოყენებული ღია ტერასები, რაც ხელს უწყობს დამსვენებელთ, რომ ქარიან ამინდშიც ისარგებლონ იმ ღია ტერასით, რომელიც ქარის საწინააღმდეგო მიმართულებითაა იმჟამად. მომხიბვლელია პიცის საცხობი ღუმელიც. შენობა 1 მეტრითაა მიწიდან დაშორებული. გთავაზობთ Emu Bay House–ის ფოტოებს.

დიზაინერმა – Jaime Hayon-მა სულ ახლახანს დაასრულა მაღაზია – Fabergé–ს ინტერიერი, რომელიც ჟენევაში მდებარეობს. მაღაზიის კედლები აბრეშუმის ქსოვილითაა დაფარული, გამოყენებულია მარმარილო და ძვირადღირებული ხის მასალა. ესაა დიზაინერის სანიმუშო შემოქმედება, სადაც ფუფუნება – ელეგანტურობით, უბრალოებითა და სისადავითაა გადმოცემული

გთავაზობთ ფოტონაკრებს, სადაც ასახულია – Twitter–ის მიკრობლოგების პოპულარული სერვისის შტაბ–ბინა, რომელიც სან–ფრანცისკოში მდებარეობს. უზარმაზარი სივრცე, მინიმალისტური დიზაინი და სხვა უამრავი რამ, რის დათვალიერებასაც დეტალურად შეძლებთ ფოტოების მეშვეობით.