Andrés Remy Architects–ის შემოქმედებითმა ჯგუფმა, ახალგაზრდა წყვილის დაკვეთით, შექმნა პროექტი სახელწოდებით – The Black House, რომელიც არგენტინაში, ბუენოს აირესის ერთ–ერთ გარეუბანში მდებარეობს.

ორიგინალური ფორმის 2 დონიანი სახლი, რომლის წინხედის შეფერილობაც მთლიანად შავია (უკანა მხარე ყავიფერ ტონშია შესრულებული), მშვენიერი ტბის სანაპიროსთან ახლოს მდებარეობს. ბალახით დაფარულ დიდ ეზოს ულამაზესი საცურაო აუზი ამშვენებს. ნაგებობის ორივე სართულის წინხედი, შუშის კედლებს წარმოადგენს, აქვეა ღია და დახურული ტერასებიც, რაც შესაძლებლობას იძლევა ლანდშაფტით ტკბობისა. სახლის შიდა შეფერილობის ძირითადი ფერი თეთრია. გემოვნებით კონსტრუირებული ნამუშევარი, უდაოდ მეტყველებს არქიტექტორთა და დიზაინერთა ნიჭიერებასა და გულისხმიერებაზე. თავად შეაფასეთ!

SPF:architects–ის ჯგუფმა შექმნა პროექტი – The Oberfeld Residence–ი, რომელიც ლოს–ანჟელესში (კალიფორნიაში) მდებარეობს. რეზიდენცია 10 000 კვ ფუტზეა გაშენებული, რომლის მშენებლობისთვისაც გამოყენებულია ეკოლოგიურად სუფთა საშენი მასალა. იგი 2 დონიანია და უამრავი დიდი ზომის მინის კარ–ფანჯრებითაა აღჭურვილი, რასაც მზის სხივებისგან დასაცავად შვეიცარული, ვერტიკალური ფორმის ჟალუზები გააჩნია. ნაგებობის ინტერიერი და ექსტერიერი თანამედროვედ და გემოვნებითაა მოწყობილი, რაც იქ ცხოვრებისა თუ დასვენების იდეალურ პირობას ქმნის. ისიამოვნეთ!

პროექტი, რომლის სახელწოდებაცაა – Maison du Béton–ი, Zwickau–ში (გერმანიაში) მდებარეობს და Atelier ST ჯგუფის არქიტექტორთა მიერაა შექმნილი. ნაგებობა, რომელიც ფერდობზეა განთავსებული, ძირითადად 2 დონიანია, თუმცა 1 კალთის დაქანების ხარჯზე, ცალი მხარე 3 სართულიანია. შემოგარენში არსებული სახლების სტილისგან რადიკალურად გამორჩეული და განსხვავებულია. იგი გეომეტრიული ფორმის, მონოლითურ ფერო–ბეტონის კონსტრუქციას წარმოადგენს და მდინარის შორიახლოსაა გაშენებული. თვალი გადაავლეთ ფოტოებს და ისიამოვნეთ!

The Frick Residence-ი, ეს გახლავთ სამშენებლო ფირმა – KRDB–ის თანამშრომელთა მიერ დაგეგმარებული პროექტი, რომელიც Austin–ში (ტეხასი) მდებარეობს. იგი კერძო საკუთრებას წარმოადგენს, რომლის მფლობელიც მხატვარი – Laurie Frick–ი გახლავთ. რეზიდენცია გარდა საცხოვრებლად აუცილებელი ოთახებისა, აღჭურვილია: ოფისით, სტუდიით, 2 მანქანის ტევადობის ავტოფარეხით, დეკორატიულად გაფორმებული ლამაზი ეზოთი და მომხიბვლელი საცურაო აუზით. თვალი გადაავლეთ და ისიამოვნეთ.

ავსტრალიაში, სიდნეიში, – CplusC Architects and Builders–ის ჯგუფმა, შექმნა რეზიდენცია, რომელიც – The Queens Park Residence–ის სახელწოდებითაა ცნობილი. აღსანიშნავია, რომ რეზიდენციის მშენებლობისთვის გამოყენებულია ძვირად ღირებული ხისა და ეკოლოგიურად სუფთა საშენი მასალა.