27 თებერვალს, დილის 2:34 წთ–ზე ძლიერი მიწისძვრა მოხდა ჩილეში, რომლის მაგნიტუდამ 8,8 ბალი შეადგინა. თვითმხილველთა თქმით რყევა საკმაოდ იგრძნობოდა სანტიაგოშიც კი, რომელიც ეპიცენტრიდან 340 კმ–ის დაშორებით მდებარეობს. მიწისქვეშა ბიძგების ხანგრძლივობამ 30 წამი გასტანა. ახლანდელი მონაცემებით საუბარია მხოლოდ 150 გარდაცვლილ ადამიანზე.

მიწისძვრამ ცუნამიც გამოიწვია, რომელიც წყნარი ოკეანის მთლიან ზოლზე ვრცელდება და რამდენიმე სთ–ში შესაძლოა ჰავაიმდე და ავსტრალიამდეც მიაღწიოს. ცუნამის მოსალოდნელი საშიშროების შესახებ, სეისმოლოგების მიერ გაფრთხილებულ იქნენ პრაქტიკულად მთელი წყნარი ოკეანის აუზის ლათინო–ამერიკული ქვეყნები, ჰავაი, იაპონია, ინდონეზია, ფრანგული პოლინეზია, ფილიპინები და რუსეთის შორეული აღმოსავლეთი.