ინტერნეტზე საუბრისას აქამდე პრაქტიკულად ვგულისხმობდით მსოფლიო კომპიუტერის ქსელს – World Wide Web (WWW), რომლებთანაც რიგით მომხმმარებელს ყველაზე ხშირად უხდება ურთიერთობა და რომელიც ხშირად ინტერნეტთან რის გაიგივებული.
აქამდე ვიხილავდით ჰიპერტექსტის გაცვლის განაწესს – HyperText Transfer Protocol (HTTP), რომელიც გამოიყენება WWW ქსელში. შესაბამისად, ინტერნეტის აქამდე განხილული მისამართებიც http:// სიმბოლოებით იწერება.
ამჯერად განვიხილავთ ფაილების გადაგზავნის განაწესს – File Transfer Protocol (FTP), FTP სერვერის შესაბამის ფანჯარაში არ არსებობს გრაფიკული ელემენტები და საერთოდ, რაიმე სპეციალური გაფორმება, ასეთი კვანძები გამოიყენება მხოლოდ ფაილების შესანახად და გადასაცემად. მომხმარებლის უმეტესობა მას იყენებს პროგრამებისა და დოკუმენტაციის მოსაძებნად და გადმოსაწერად. FTP სერვერებზე კონცენტრილებულია ფაილების უზარმაზარი რაოდენობა, ამასთან, მათი უმეტესობა უფასოა.

V ნაწილი
ფორმები

ფორმების საშუალებით HTML დოკუმენტიდან შესაძლებელია ინფორმაციის გადაგზავნა რომელიმე წინასწარ განსაზღვრულ წერტილში, სადაც ამ ინფორმაციას გარკვეული სახით დაამუშავებს სპეციალური პროგრამა სკრიპტი. ფორმის შექმნა გაცილებით მარტივია ვიდრე ამ ინფორმაციის დამმუშავებელი სკრიპტისა, რომელიც მოითხოვს პროგრამირების საფუძვლიან ცოდნას. ამ თავში ჩვენ გავვეცნობით ფორმების შექმნას HTML – ში.
ფორმა იწყება ტეგით <FORM> და იხურება </FORM> ტეგით. HTML დოკუმენტი შეიძლება შეიცავდეს რამოდენიმე ფორმას, მაგრამ ფორმაში ფორმის მოთავსება არ შეიძლება, ხოლო HTML ტეგები და ტექსტი განუსაზღვრელი რაოდენობით შეიძლება იყოს მასში. ფორმას გააჩნია სამი ატრიბუტი:
ACTION - აუცილებელი ატრიბუტი. მიუთითებს, პროგრამა სკრიპტის მისამართს, რომელსაც
გადაეცემა მონაცემები დასამუშავებლად.